Connected Access

Gure helburua da merkatuaren beharrak asetzea eta horiei aurrea hartzea, eta sektore ezberdinentzako (merkataritza, osasuna, industria, etxebizitza) zerbitzuak eta soluzioak eskaintzea. Merkataritza-zentroetara, geltokietara, lantegietara, egoitzetara, ospitaleetara, etxebizitzetara iristen gara eta horietan lan egiten dugu, eta pertsonen irisgarritasuna hobetzen dugu.

ERREKAren produktu eta soluzioek goi-mailako teknologia, kalitatea eta diseinua dute. Erantzun egokia ematen diogu fidagarritasuna eta ergonomia bermatzeko beharrari nahiz produktuaren azken erabiltzailearen esperientzia hobetzeko premiari.

Gainera, teknikari espezializatuz osatutako sare zabal bat dugu bost kontinenteetan. Halaber, delegazio propioak ditugu nazio-mailan nahiz nazioartean (Mexikon, Erresuma Batuan eta Dominikar Errepublikan). Horrela, 50 herrialde baino gehiagotara heltzeko eta Errekaren bezero guztien beharrak asetzeko aukera dugu.

Ba al zenekien…? 8.000 erreferentzia baino gehiago kudeatzen ditugu, behar duzun soluzioa zure eskura jartzeko.

Errekak lanean jarraitzen du bere balio-proposamena handitzeko: sarbideen kudeaketa eta kontrola.

Erreka hainbat ekosistematan sarbideak kudeatzeko plataforma globalak garatzen ari da. Hazteko aukera berriak eta aurrerapen teknologikoak:

Energia-eraginkortasuneko eta eraikinaren barruko erosotasuneko soluzio automatizatuak.

Sarbideen kontrola eta konektagarritasunaren bidezko mugikortasun-soluzioak integratzea.

Smart building. Soluzio automatikoak eta edukiera-kontrola eraikin inteligeneteetako sarbideetarako.